330
  • Դժգոհել

Հայաստանում Նոր տարին նշելը թանկ հաճույք է և ո՛չ բոլորի գրպանին հարմար

Ի՞նչ արժե Ամանորը Հայաստանում եւ Հայաստանից դուրս, ի՞նչ են առաջարկում տուրիստական գործակալությունները մեր քաղաքացիներին, եւ ո՞րն է ավելի ձեռնտու` Ամանորը Հայաստանո՞ւմ, թե՞ արտերկրում: Newinfo.am-ը  պարզեց գնային այն համակարգը, ըստ որի՝ մեր համաքաղաքացիները վճարում են Ամանորի մի քանի օրվա դիմաց: Ամանորը Հայաստանում նշելու համար առաջարկները շատ են, պահանջարկը՝ քիչ, քանի որ ձեռնտու տարբերակ է կարծես թե դարձել եգիպտոսյան հանգիստը, չնայած այս տարի, նախորդի համեմատ, Ամանորին Հայաստանից հեռացողները համեմատաբար քիչ են, պատճառը ֆինանսական միջոցներն են:

Որտե՞ղ եւ ինչո՞ւ են մարդիկ նախընտրում Նոր տարին դիմավորել արտերկրում

Հարցմանը մասնակցած մարդկանց մեծամասնությունը պնդում է, որ Ամանորին արտերկրում հանգստանալն ավելի մատչելի է, քան Հայաստանում: Ոմանք էլ դժգոհում են, որ տեղական շուկայում ամեն տարի առաջարկում են նույն տոնական ծրագրերը: «Արդեն 3 տարի է, ինչ Նոր տարին նշում ենք հարեւան երկիր Վրաստանում: Զարմանալի է, բայց արտերկիր գնալուց մենք ավելի քիչ ենք ծախսում, քան կծախսեինք տանը կամ հայաստանյան որեւէ հանգստի գոտում նշելիս: Բացի այդ, ամեն տարի թարմություն կա տոնական ծրագրերում, հետաքրքիր շոուներ են լինում, քեզ մնում է միայն վայելելը»,-նշում է 25-ամյա Սոնան, ում 5 հոգանոց ընտանիքը 7-օրյա տոնական փաթեթի համար վճարում է 300-350 հազար դրամ:

Տուրիստական գործակալությունների շրջանում անցկացրած հարցման արդյունքում պարզ դարձավ, որ Ամանորի տուր փաթեթներով հիմնականում հետաքրքրվում են երիտասարդները: «Հիմնականում երիտասարդ զույգեր են գալիս, հետաքրքրվում: Լինում են դեպքեր, երբ աշխատանքային, ընկերական կամ ուսանողական կոլեկտիվներ են գալիս: Մարդիկ հիմնականում շեշտը դնում են ամանորյա շոու ծրագրի եւ սնունդի վրա: Իհարկե, առաջնային պլանում փաթեթի գինն է»:

Ի՞նչ արժե հանգիստն արտերկրում եւ Հայաստանում

Տուրիստական գործակալություններից պարզեցինք, որ Ամանորին Հայաստանի հանգստավայրերում հանգստանալը մեկ անձի համար միջինը 450 հազար դրամ է: Փաթեթը ներառում է 2 -անգամյա սնունդ, ամանորյա շոու-ծրագիր, մանկական խաղեր, շոու, մարզասրահ եւ այլն: Միեւնույն ժամանակ, նույն գնի սահմաններում առաջարկվում են արտագնա տուր փաթեթներ, որոնք ներառում են վերոնշյալ պայմանները՝ տարբեությամբ, որ արժեքի մեջ մտնում է նաեւ ավիատոմսի գինը: Ստորեւ ներկայացնում ենք ամենապահանջված ուղղություններն ու դրանց գները.

ԱՄԷ- 7-օրյա հանգստի գինը 1 անձի համար սկսվում է 1300 դոլարին համարժեք դրամից:
Եգիպտոս- 7-օրյա հանգիստի գինը 1 անձի համար սկսվում է 1000 դոլարին համարժեք դրամից:
Վրաստան- 7-օրյա հանգիստի գինը 1 անձի համար սկսվում է 45000 դրամից:
Ծաղկաձոր- 7-օրյա հանգիստի գինը ցածրակարգ հյուրանոցում 1 անձի համար սկսվում է 150 հազար դրամից, իսկ բարձրակարգ հյուրանոցում՝ 450 հազար դրամից:
Աղվերան-7-օրյա հանգիստի գինը ցածրակարգ հյուրանոցում 1 անձի համար սկսվում է 135 հազար դրամից, իսկ բարձրակարգ հյուրանոցում՝ սկսած 400 հազար դրամից:
Դիլիջան- 7-օրյա հանգիստի գինը ցածրակարգ հյուրանոցում 1 անձի համար սկսվում է 75 հազար դրամից, իսկ բարձրակարգ հյուրանոցում՝ 250 հազար դրամից: Նշենք, որ վերոնշյալ բոլոր փաթեթները նախատեսված են դեկտեմբերի 31-ից հունվարի 6-ի համար:

Մեկնաբանություն




Նմանատիպ

avatar Arus MIrzoyan

Կրում ենք սպիտակ տաբատներ. սեզոնի գլխավոր թրենդը Նյու Յորքի նորաձևության շաբաթում

avatar Arus MIrzoyan

Սալվատոր Ֆեռռագամոն ներկայացրել է իր նոր հավաքածուն սիրահարների տոնին ընդառաջ

avatar Arus MIrzoyan

Արքայական զույգը ` BAFTA 2020 մրցանակաբաշխությունում

avatar Arus MIrzoyan

Հագուստների երկրաչափական կտրվածքներ. ձմռան նոր, ամենագրավիչ թրենդը

avatar Arus MIrzoyan

Մոռացե՛ք փոքրիկ պայուսակները. մեծ պայուսակները սեզոնի ամենանորաձև աքսեսուարներն են

avatar Arus MIrzoyan

Ինչպ՞ես կրել միատոն սվիտերները. 5 տարբերակ ամենանորաձև ոճաբաններից

avatar Arus MIrzoyan

Նյուդ գույների բոլոր երանգները. ինչպիսի՞ կերպարներով են ներկայացել Կոպենհագենյան նորաձևության շաբաթվա ամենանորաձև հյուրերը

avatar Arus MIrzoyan

Ինչպե՞ս պահպանել ճիշտ սննդակարգ տոներին ընդառաջ. 5 խորհուրդ սննդաբան և ֆիթնես մասնագետ Լիլիթ Ղալեչյանից

avatar Arus MIrzoyan

«Ես մանկան պես հավատում եմ ամանորյա հրաշքների իրականացմանն ու Ձմեռ պապի գոյությանը». Գայանե Ավետիսյան

avatar Arus MIrzoyan

Ամանորյա երեք հիանալի տարբերակ ոճաբան Սոսե Սահակյանից